СЭЛЭНГЭ: Шаамар сум хөлдөх эрсдэлтэй байна

26

Сэлэнгэ аймгийн Засаг дарга Н.Лхагвадорж холбогдох албаны хүмүүсийн хамт Шаамар суманд ажиллаж сумын төр төсвийн байгууллагуудтай шуурхай хуралдаан зохион байгууллаа.
 
Учир нь өвлийн сар гарсан энэ цаг хугацаанд тус сумын халаалтын асуудал хүндэрч хөлдөх эрсдэл үүсээд байна. Сумын халаалт дулаантай холбоотой гомдол санал иргэдээс байнга ирсээр байгаа юм. Тус суманд халаалт дулааны үйл ажиллагааг 2 компани гэрээгээр гүйцэтгэдэг. Үүний нэг “Алтан билэг” компаний хариуцаж байгаа байгууллагууд тэр дундаа сургууль, цэцэрлэг, эмнэлэг зэрэг байгууллагуудын халаалт дулаан эрсдэлтэй нөхцөл байдалд ороод байна. Уурын зуухнаас 60 хэмтэй дулаан гарахаас өнөөдрийн байдлаар гарч байгаа дулаан 24, буцах нь 22 хэмтэй байна. 
 
Засаг даргын зүгээс сумын Онцгой комиссыг яаралтай хуралдуулж, гэрээгээр хүлээсэн үүргээ хангалтгүй биелүүлж байгаа дээрх аж ахуйн нэгжийн гэрээг цуцалж, гарсан шийдвэрийг яаралтай танилцуулахыг үүрэг болголоо.
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд www.Selengenutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Selengenutag.mn